PSA、BGS同CGC鑑定卡分別？
PTCG玩家必知嘅日版卡牌收藏指南

點解鑑定卡喺PTCG收藏有咁大影響？

喺香港嘅PokémonTCG 社群，日版Pokémon卡獨特嘅設計同稀有性，深得收藏家同玩家歡心。為咗收藏同提升日版Pokémon card嘅價值，唔少人會選擇將卡牌送去鑑定公司，例如 PSA（Professional Sports Authenticator）、BGS（Beckett Grading Services）同CGC（Certified Guaranty Company）。
今次同大家探討吓 PSA、BGS 同 CGC 鑑定嘅分別，幫你喺香港PTCG市場作出明智嘅收藏同投資決定！

鑑定卡價值：點解要鑑定Pokémon卡？

將單卡送去鑑定嘅好處：

• 真偽認證：鑑定公司確保你嘅Pokémon卡係正版，特別喺香港Pokémon卡市場避免買到假貨。

• 保護卡牌：鑑定後嘅卡牌會被封喺堅固嘅「slab」（塑膠保護殼），防止損壞，適合收藏。

• 提升價值：高評級卡（例如 PSA 10 或 BGS 9.5）喺市場上通常有更高嘅轉售價值。
  
  

PSA、BGS 同 CGC 鑑定分別

以下係三大鑑定公司喺評級、保護殻設計同市場影響嘅比較，幫你決定邊個最適合你嘅Pokémon卡！

1. PSA（Professional Sports Authenticator）

• 評級標準：PSA 用 1-10 分嘅評級系統，10 分係「Gem Mint」（完美無瑕）。而日版Pokémon卡喺 PSA 鑑定中相對易啲拎高分，因為邊角同表面瑕疵上嘅評分標準略為寬鬆。

• 保護殼設計：PSA 嘅保護殼（slab）輕薄，容易儲存，標籤設計簡單，保護殼有互 扣邊緣，方便堆疊。

• 市場價值：PSA 鑑定卡喺香港PTCG市場最受歡迎，特別係高評級卡（ PSA 10 ），轉售價值較高。

• 費用同時間：鑑定費用根據卡牌價值由美金 $25 至 $600 不等，處理時間通常為 3-8 個星期。

• 最適合：想喺香港Pokémon卡市場做到轉售價值高嘅收藏家。

2. BGS（Beckett Grading Services）

• 評級標準：BGS 同樣用 1-10 分系統，但提供四項子評分（邊角、表面、居中、邊緣），仲有半分級（例如 9.5 Gem Mint）。BGS 嘅「Black Label 10」（全部子評分 10）極為罕有，喺日版Pokémon card香港市場極高價值。

• 保護殼設計：BGS 嘅保護殼厚實耐用，金色（9.5分 或以上）或黑色（Black Label）標籤增添高級感。

• 市場價值：BGS 9.5嘅卡價值通常同 PSA 10 差唔多，但如果喺 Black Label 10 嘅話就會遠超 PSA 10價格，特別吸引Pokémon收藏家。

• 費用同時間：費用由美金 $18 至 $500不等，處理時間大約 10-60 日，視乎服務嘅級別而定。

• 最適合：追求細緻評分同高奢收藏嘅玩家，尤其喺日版PTCG嘅全圖卡或者閃卡。

3. CGC（Certified Guaranty Company）

• 評級標準：CGC 亦用 1-10 分系統，提供半分級（例如 9.5），由2023年起CGC 將原本嘅 9.5 升級為 CGC 10（Gem Mint），令標準同 PSA 更加接近，但對卡嘅圖畫置中要求較為嚴格。

• 保護殼設計：CGC 保護殼會比 PSA 厚一啲，但重量就比 BGS 輕，標籤設以藍白色為主。

• 市場價值：CGC 近年喺香港PTCG市場迅速崛起，特別受日版Pokémon卡嘅收藏家歡迎。雖然價值略低過 PSA，但明顯見到價格同受歡迎嘅差距一直縮窄緊。

• 費用同時間：費用由美金 $15 至 $80不等，而處理時間通常喺 2-6 個星期，算係三大鑑定公司中最快。

• 最適合：想快速鑑定同用較低成本保護Pokémon卡嘅玩家。

鑑定前嘅準備貼士

喺送卡去鑑定之前，記得以下幾點：

• 檢查卡牌狀態：確保Pokémon卡無明顯瑕疵，例如邊角損傷或者表面刮痕，因為呢啲會影響評級。

• 選擇合適公司：根據你嘅目標而定，例如目標喺轉售價值就選用 PSA、想拎到詳細評分嘅就用 BGS、而快速鑑定就可以用 CGC。

• 準備收藏：鑑定後嘅卡可以用鑑定卡收納盒妥善保存。

選擇最適合你嘅鑑定方式

無論你係想提升Pokémon卡嘅轉售價值，定係好好保護你嘅Pokémon收藏，PSA、BGS 同 CGC 都各有優勢。

• PSA 適合追求高市場價值

• BGS 提供詳細評分

• CGC 快速同抵玩為主
  

🔥 瀏覽日版Pokémon補充盒 👈🏻
🔥 瀏覽 PTCG鑑定卡👈🏻
🔥 瀏覽優質單卡👈🏻
🔥 瀏覽『 抵Deal區』單卡👈🏻

喺 Holo Mart 你可以搵到專業嘅 CGC代送鑑定服務，為你提供一條龍服務 ！

🔥 CGC 代客鑑定服務👈🏻