香港Pokémon卡收藏：COVID市場熱潮衰退與2025現況比較

喺香港做Pokémon卡收藏家，大家都有見過2022-2023年COVID嘅Pokémon卡市場熱潮同衰退，當時日版PTCG卡包因為大家都足不出戶冇嘢好玩，令到玩Pokémon卡嘅價格飛升，但疫情過後市場又衰退返。如今市場熱潮又再次爆，同疫情期間又有咩分別？作為香港Pokémon卡專門店，我哋就想分享有關疫情市場波動同趨勢，幫你了解香港ptcg卡店買卡嘅趨勢。今次內容會分享熱潮爆發誘因、衰退跡象、2025現況同長遠嘅建議！

新冠疫情下寶可夢卡牌市場爆紅嘅原因

2020年初，新冠疫情令全球止步，好多人喺被迫留困喺屋企情況下，突然想玩返懷舊嘢，令Pokémon卡成為熱門嘅玩物。根據數據，2021年Pokémon卡銷量暴升近600%，拍賣價仲高達美金六位數，當中1999年PSA 10噴火龍嘅 1st Edition拍賣成交價喺30萬美金！

• 懷舊情懷：疫情期間香港人回想起Game Boy時代，而香港嘅網上群組同YouTube都多咗好多開箱片令Pokémon爆紅。

• 供不應求：疫情下影響生產線運作，令卡包/補充盒供不應求，炒家大量購入買斷市場貨，平均推高3倍嘅價格。

• 香港市場：香港日版Pokémon補充盒明顯熱賣，因為佢哋比美版更早開賣，令收藏家喺疫情期間有新目標。

呢個疫情期令Pokémon卡成為唔少人嘅新投資！

疫情後Pokémon卡市場衰退跡象

2022年後疫情開始緩和，市場熱潮減退令價格回落，因此價格喺2022-2023年明顯下跌，部分卡包更跌返落零售價。

• 供應過剩：生產線恢復運作後，Pokémon公司大量印刷，單單喺2023年就印咗119億張卡，同時炒家大量沽貨引致市場貨源過多，價格大跌接近一半。

• 假卡問題：疫情期間假卡激增，影響大眾信心大減，特別喺香港二手市場，收藏家要小心check清楚日版Pokémon卡真假。

• 香港影響：香港ptcg卡雖然價格有回落，但因為日版Pokémon卡有稀有插圖同懷舊嘅價值，所以某啲系列嘅卡價格相對穩定，就好似系列「SV2a」市場需求率依舊保持。

香港收藏家喺呢個衰退期就要小心市場價格波動啦！

2025年Pokémon卡市場現況同疫情期比較

截至2025年8月4日，Pokémon卡市場熱潮又再爆起，雖然情有啲類似疫情爆紅嘅時候，但都有明顯分別。可以留意有關比較同現況分析：

• 價格趨勢：2025年日版ptcg補充盒價格急升，趨勢同疫情高峰期相近。而補充盒供應增加，導致價格嘅波動較疫情期冇咁大。

• 需求同炒作：疫情期供不應求，2025年嘅市場有部分產品受社交媒體帶動，所以炒家依然活躍，但香港收藏家更重視日版Pokémon卡嘅懷舊感同印刷質素，唔喺純炒作。

• 市場穩定性：疫情期市場因短缺同炒家出現，而2025年市場相對穩定，其一因為Pokémon公司喺2024年增產97億張卡，同時改善鑑定服務。

• 香港獨特性：2025年香港收藏家更專注日版Pokémon補充盒，因佢哋比美版早推出，卡池較細，抽到SAR卡/稀有卡嘅機會相對高一啲。

2025市場香港收藏家嘅小貼士

疫情熱潮衰退後同2025年市場比較，香港收藏家可以參考一下：

• 多元化投資：唔好只追捧熱門卡，選擇一啲日版Pokémon卡懷舊系列，例如151系列等等，長期保值會更穩陣。

• 小心假卡同炒家：疫情期間假卡出現同炒家推高價格，雖則2025年假卡問題少見咗，但都建議喺正版香港ptcg卡店買Pokémon卡，減低買到假卡風險。

• 未來展望：2025年市場受新系列誕生而逐漸推高，但由於供應量增加所以令價格穩定。建議香港收藏家留意日版卡嘅長遠價值同本地需求，更應考慮懷舊價值同稀有度。

📌 即刻瀏覽Holo Mart嘅日版Pokémon卡系列，打造你嘅夢幻收藏！

🔥 瀏覽日版Pokémon補充盒 👈🏻
🔥 瀏覽 PTCG鑑定卡👈🏻
🔥 瀏覽優質單卡👈🏻
🔥 瀏覽『 抵Deal區』單卡👈🏻